  |
Нарадзілася ў 1962 годзе ў вёсцы Мількавічы Міёрскага раёна.
Скончыла Магілёўскі бібліятэчны тэхнікум. З 1986 года працуе ў Папшулёўскай сельскай бібліятэцы Міёрскага раёна. Пісаць вершы стала нядаўна.
ПРАШЧЭННЕ
А бывае і так –
Птушка з чорнымі крыламі.
Гора, роспач, нягода,
У душы кавардак.
Тонкая нітка надзеі,
Як расток з-пад зямлі.
Ноччу буры, завеі,
А ў дзень – крумкачы.
Паглядзі ў мае вочы.
Я прашу – пазаві.
Буду нянькай і мамкай.
Буду жонкай табе.
Толькі з ласкай, надзеяй
Пазаві, пазаві...
ПАПШУЛІ
Я люблю сваю вёску,
Жураўліны наш край.
Неба чыстага палоску
І празрысты ручай.
Дзе бабуліны рукі
Абдымалі абрус.
Дзе дзядуліны вочы
Баранілі наш лёс.
Колькі цудаў на свеце!
Усе яны – у Папшулях.
І ваўкі, і касулі, і бабры, і мядзведзі,
У лясах і балотах, на раках і лугах.
Пажадаю Вам, людзі,
Здрады каб не відаць.
І ў шчасці, і ў згодзе
Век дажыць, красаваць.
МАМА
Мама –
Гэта зоркі на небе,
Што пакажуць дарогу.
Мама –
Гэта ветрык у полі,
Што палашчыць цябе.
Мама –
Гэта кроплі расы,
Што ратуюць ад смагі.
Мама –
Гэта радасць і шчасце,
Што былі ў жыцці.
Беражыце матуль
Да апошняга слова.
Пранясіце ў казках
Тую ласку і гонар.
Каб было на зямлі
Светла, радасна, добра
Узнясём да нябёс
Дарагіх нашых мам!
Шэры дождж,
А мне добра.
Буйны дождж –
Не халодны.
Чаканы, жаданы, любімы,
Сустрэчы не паўтарымы.
