|
|
|
|
|
 |
 |
Вольга Лебедзева ўзнагароджана юбілейным медалём «120 гадоў прафсаюзнага руху Беларусі»
- Details
- Створана 05.11.2024 14:19
Віцебская абласная бібліятэка імя У. І. Леніна 4 лістапада прыняла ўдзел у XXV справаздачна-выбарнай канферэнцыі Віцебскай абласной арганізацыі Беларускага прафесійнага саюза работнікаў культуры інфармацыі, спорту і турызму.
Аб рабоце за пяць гадоў з дакладам выступіла старшыня Алена Сабірава. Цеснае ўзаемадзеянне ў рамках галіновых пагадненняў паміж абласной арганізацыяй прафсаюза і галоўнага ўпраўлення ідэалагічнай работы і па справах моладзі, упраўленнямі культуры, спорту і турызму Віцебскага аблвыканкама, грамадскі кантроль за выкананнем заканадаўства аб працы і аб ахове працы, аказанне дапамогі сем'ям і ветэранам, работа з моладдзю – гэтым і іншым напрамкам дзейнасці надавалася значная ўвага ў справаздачным перыядзе.
У рамках канферэнцыі адбылася цырымонія ўшанавання прафсаюзных работнікаў і актывістаў рэгіёна.
За значны ўклад у прафсаюзны рух Беларусі і сацыяльна-эканамічнае развіццё краіны юбілейным медалём «120 гадоў прафсаюзнага руху Беларусі» ўзнагароджана старшыня першаснай прафсаюзнай арганізацыі абласной бібліятэкі Вольга Лебедзева.
