|
|
|
|
|
 |
 |
Брэйн-рынг «Знатакі дарожнага руху»
- Details
- Створана 04.11.2024 10:05
У рамках мэтавай комплекснай праграмы «Міласэрнасць» 2 лістапада ў бібліятэцы адбыўся Брэйн-рынг «Знатакі дарожнага руху» з удзелам людзей з абмежаванымі магчымасцямі здароўя.
У інтэлектуальнай гульні прынялі ўдзел тры каманды – наведвальнікі аддзяленняў сацыяльнай рэабілітацыі, абілітацыі інвалідаў ТЦСАН Першамайскага, Кастрычніцкага і Чыгуначнага раёнаў г. Віцебска.
Дзеці рыхтаваліся да мерапрыемства загадзя, прыдумалі назву каманды і дэвіз. Пытанні, прапанаваныя ўдзельнікам, былі цікавыя і цяжкія адначасова, але каманды дэманстравалі добрую падрыхтоўку, кемлівасць, упэўненыя веды Правілаў дарожнага руху і дарожных знакаў. Удзельнікі каманд спрытна і хутка знаходзілі памылкі, дапушчаныя мастаком на розных малюнках, і правільна тлумачылі членам журы і гледачам як патрэбна паводзіць сябе на дарозе і як рабіць нельга.
Гульня атрымалася вельмі вясёлай, цікавай і займальнай, і нікога не пакінула абыякавым, кожная з каманд з азартам змагалася за перамогу. Па выніках падліку балаў перамагло сяброўства.
