|
|
|
|
|
 |
 |
Лекцыя кампазітара Аляксандра Іванова
- Details
- Створана 28.10.2024 12:02
Лекцыя «Наш геніяльны сучаснік» кампазітара Аляксандра Іванова ў рамках бібліятэчнага праекта «Музыка для ўсіх» прайшла 24 кастрычніка ў аддзеле літаратуры па мастацтве.
Аляксандр Віктаравіч падзяліўся ўнікальнымі сакрэтамі творчай спадчыны выдатнага ленінградскага кампазітара, піяніста і педагога Барыса Цішчанкі (1939–2010), вядомага сваімі энцыклапедычнымі ведамі і наватарскімі падыходамі ў стварэнні музычных твораў. Лектар падрабязна спыніўся на ўплыве Цішчанкі на развіццё сучаснай музыкі, адзначыўшы яго значнасць як аднаго з найярчэйшых кампазітараў свайго часу.
Акрамя таго, Аляксандр Віктаравіч прэзентаваў манаграфію Ірыны Анатольеўны Данской-Цішчанкі «Бег времени Бориса Тищенко». У гэтым выданні прадстаўлены рэдкія лісты, артыкулы і інтэрв'ю самога кампазітара, а таксама фрагменты з дакументальнага фільма «Монолог души». Кніга змяшчае біяграфічныя звесткі і цёплыя ўспаміны пра Барыса Іванавіча яго сучаснікаў, што дазваляе глыбей зразумець яго асобу і ўклад у музычную культуру.
Удзельнікі мерапрыемства змаглі паўдзельнічаць у жывым абмеркаванні тэм, звязаных са спадчынай Барыса Цішчанкі і сучасным музычным кантэкстам.
