|
|
|
|
|
 |
 |
Дабрачынная акцыя «Дар душы бескарыслівы – кніга»
- Details
- Створана 24.10.2024 09:19
Аддзел абанемента абласной бібліятэкі 23 кастрычніка перадаў у дар бібліятэцы ЛПП № 4 УДВП МУС па Віцебскай вобласці больш за 250 кніг і часопісаў.
Гэта ініцыятыва стала часткай дабрачыннай праграмы «Міласэрнасць» і накіравана на падтрымку людзей, якія апынуліся ў цяжкай жыццёвай сітуацыі.
Сярод перададзеных выданняў – класічныя літаратурныя творы, сучасныя работы айчынных і замежных аўтараў. У калекцыі прадстаўлены навукова-папулярныя кнігі, гістарычныя раманы, фантастыка і шмат іншага. Кожны з гэтых твораў стане крыніцай натхнення і новых ідэй для чытачоў.
Кнігі былі сабраны дзякуючы неабыякавым чытачам бібліятэкі, якія разумеюць важнасць падтрымкі тых, хто сутыкнуўся з няпростымі абставінамі. Паводле слоў Мікалая Хоміча, бібліятэкара ЛПП № 4, якасная літаратура адыгрывае важную ролю ў жыцці чалавека, дапамагаючы яму пераасэнсаваць свае перажыванні і набыць упэўненасць у сабе. «Разам мы можам падарыць радасць чытання кожнаму», – адзначыў ён.
