|
|
|
|
|
 |
 |
Абласны семінар дырэктараў публічных бібліятэк вобласці
- Details
- Створана 23.10.2024 07:47
Абласны семінар дырэктараў цэнтралізаваных бібліятэчных сістэм Віцебскай вобласці адбыўся 22 кастрычніка ў абласной бібліятэцы.
Адкрыла пасяджэнне дырэктар Віцебскай абласной бібліятэкі імя У. І. Леніна Таццяна Адамян. Галоўны спецыяліст аддзела работы арганізацый сферы культуры ўпраўлення культуры Віцебскага абласнога выканаўчага камітэта Зоя Гукава падвяла вынікі праверкі Міністэрствам культуры публічных бібліятэк вобласці. Загадчык сектара планава-эканамічнай работы ўпраўлення культуры Віцебскага абласнога выканаўчага камітэта Святлана Спірыдонава азнаёміла з нарматыўным фінансаваннем дзяржаўных бібліятэк на 2025 год і растлумачыла асноўныя моманты арганізацыі работы бібліятэк у сувязі з увядзеннем новых тыпавых штатаў.
Другая частка семінара прайшла ў Цэнтральнай гарадской бібліятэцы імя М. Горкага ДУ «Цэнтралізаваная бібліятэчная сістэма г. Віцебска». На пасяджэнні секцыі «Бібліятэка як рэсурс патрыятычнага выхавання падрастаючага пакалення» загадчык аддзела маркетынгу, сацыякультурнай дзейнасці і метадычнай работы Ірына Хомчанка пазнаёміла дырэктараў з электроннымі рэсурсамі бібліятэкі імя М. Горкага. Вопыт работы з праектамі патрыятычнай накіраванасці для дзяцей і моладзі прадставіла Галіна Ражноўская, загадчык бібліятэкі-філіяла № 14 імя У. Караткевіча ЦБС г. Віцебска. Таццяна Патоцкая, загадчык агульнай чытальнай залы Віцебскай абласной бібліятэкі імя У. І. Леніна, прэзентавала інфармацыйны рэсурс «Ваенныя дарогі бібліятэкараў Віцебшчыны».
