Сусвет паміж кніжных старонак

Details

Створана 18.10.2024 08:12

Калі з'явіліся першыя кніжныя закладкі? З чаго яны былі зробленыя? 

Што такое book postcards? Якія віды закладак існуюць ужо шмат стагоддзяў, а якія былі вынайдзены ў стагоддзі ХХІ? Як выглядаюць закладкі, прывезеныя з розных куткоў зямнога шара?

Больш за 150 наведвальнікаў выставы «Свет кніжнай закладкі» ўжо ўбачылі экспанаты з 35 краін свету, выкананыя з разнастайных матэрыялаў: ад скуры і дрэва да шкла і папірусу. Асабліва ўразілі юных гледачоў сучасныя закладкі, якія могуць выконваць мноства функцый – ад ліхтарыкаў і калькулятараў да цацак і падставак для кніг.

Кожны экзэмпляр са збору аднаго з найбуйнейшых калекцыянераў кніжных закладак Алены Булкінай здзіўляе. Бездакорны стыль і вытанчанасць, тэхналагічнасць і шматфункцыянальнасць такога простага прадмета даказваюць, што гэта не проста дапаможны элемент для чытання.

Гэтая яркая разнастайнасць падкрэслівае важнасць кніг і кніжнай культуры ў сучасным жыцці, а таксама значнасць бібліятэкі як цэнтра ведаў і культурнага абмену.

Кожны наведвальнік выставы, які прыняў удзел у інтэрактыўнай віктарыне, атрымлівае ў падарунак кніжную закладку як прыемны дадатак да ўражанняў і стымул працягваць даследаваць свет літаратуры.

Выстава «Свет кніжнай закладкі» працягнецца да 31 кастрычніка ў зале «Ex Libris». Не выпусціце магчымасць адкрыць для сябе новыя гарызонты і натхніцца на новыя літаратурныя дасягненні!