Творчая сустрэча і прэзентацыя кніг Івана Саверчанкі

Details

Створана 20.05.2024 10:37

Творчая сустрэча і прэзентацыя кніг доктара філалагічных навук, прафесара, дырэктара філіяла «Інстытут літаратуразнаўства імя Янкі Купалы» Нацыянальнай акадэміі навук Беларусі Івана Саверчанкі адбылася 18 мая ў бібліятэцы.

Іван Васільевіч прадставіў увазе прысутных свае новыя кнігі «Рождение легенды: Беларусь в IX–XV веках» і «Стражи Отчизны. Князья и магнаты белорусской земли». Адзначыў, што вельмі важным з'яўляецца літаратурна-мастацкае і навукова-папулярнае асэнсаванне беларускай гісторыі. Прафесар падкрэсліў, што навуковыя даследаванні артэфактаў і пісьмовых крыніц дапамагаюць пры напісанні гістарычных твораў і замацоўваюць нацыянальную свядомасць беларускага народа з дапамогай мастацкай літаратуры.