|
|
|
|
|
 |
 |
Восеньскія канікулы ў бібліятэцы
- Details
- Створана 22.10.2024 08:30
Віцебская абласная бібліятэка імя У. І. Леніна запрашае вучняў і настаўнікаў сярэдніх школ і гімназій на мерапрыемствы праекта «Восеньскія канікулы ў бібліятэцы» з 28 кастрычніка па 2 лістапада 2024 года.
Для кожнага ўзросту прадугледжаны адукацыйныя або забаўляльныя актыўнасці – экскурсіі, гульні, спектаклі і творчыя майстэрні.
Малодшым школьнікам аглядная экскурсія па бібліятэцы падорыць магчымасць наведаць аддзел абанемента, галерэю, кнігасховішча і пагуляць у дзіцячым аддзеле. Экскурсія «Свет паміж кніжных старонак» прапануе ўбачыць больш за 900 дзіўных закладак з 35 краін свету. У творчай майстэрні «Сакрэты бібліятэкі» раскажуць пра размяшчэнне і захоўванне кніг, умовы рэгістрацыі чытачоў, а героі мультфільмаў дапамогуць запомніць правілы выдачы і вяртання выданняў і стварыць сваю ўласную кніжную закладку. Літаратурная гульня «Book-сёрфінг у свеце незвычайных кніг» абяцае захапляльнае знаёмства з унікальнымі выданнямі і прыгоды разам з кніжным катом Фаліянтам. Батлеечны спектакль «Вольга Святая» запросіць гледачоў у захапляльную вандроўку па гісторыі, распавядаючы пра лёс княгіні Вольгі – першай кіраўніцы Русі, якая прыняла хрысціянства.
Краязнаўчая віктарына «Падарожжа па родным краі» зацікавіць вучняў сярэдніх класаў ведамі пра родны горад і яго славутасці. Пазнаёміцца з праваслаўнай святыняй Беларусі і пагартаць старонкі факсіміле Слуцкага Евангелля можна ў выставачнай зале «ExLibris». Азбука бяспекі «Бяспека ў электронных джунглях» прадаставіць школьнікам неабходныя веды пра правілы выкарыстання інтэрнэту для навучання, вольнага часу і зносін з сябрамі. Эканамічная гульня «Пошук скарбаў пірата Фінансіста» навучыць прынцыпам адказнага стаўлення да грошай, зберажэнню і планаванню бюджэту, падвышаючы фінансавую пісьменнасць.
Развіваючыя заданні бібліаквіза «Віцебск, які я люблю» правераць веды старшакласнікаў пра родны горад і навучаць працаваць у камандзе.
Удзел у бібліятэчных мерапрыемствах стане крыніцай натхнення для новых ідэй і праектаў, шырокі выбар кніг і рэсурсаў дапамогуць паглыбіць веды па тэмах.
Прыходзьце на «Восеньскія канікулы ў бібліятэцы» і адкрыйце для сябе свет ведаў і творчасці!
