|
|
|
|
|
 |
 |
Творчая майстэрня «З любоўю да мамы» аб'яднала сэрцы
- Details
- Створана 15.10.2024 13:40
Дзень Маці быў заснаваны Прэзідэнтам Рэспублікі Беларусь у 1996 годзе і з таго часу стаў адной з самых любімых і важных падзей у нашай краіне. У абласной бібліятэцы не проста адзначаюць гэтае свята, а актыўна прывабліваюць чытачоў выказаць падзяку і прызнанне за клопат і безумоўную любоў тым, хто заўсёды побач, падтрымлівае і натхняе нас.
У аддзелах і фае размешчаны кніжныя і мастацкія выставы. Творчую майстэрню «З любоўю да маці», якую арганізаваў аддзел маркетынгу і сацыякультурнай дзейнасці, наведалі больш за 120 вучняў розных школ Віцебска. Кожнае дзіця змагло падзяліцца сваімі пачуццямі і думкамі пра маму, пагрузіцца ў свет творчасці і зрабіць гэты дзень незабыўным.
Верш «Размова пра маму» Надзеі Саконскай стаў пачаткам для разважання: што для кожнага з нас значыць мама, як мы можам выказаць свае пачуцці да яе. Гульня «Мамачка» нагадала дзецям пра асабістыя якасці, якія робяць іх мам унікальнымі. Выбіраючы віртуальныя кветкі, вучні зразумелі, што важна дарыць не толькі букеты, але і ўвагу. У гутарцы пра клопат дзеці разгадвалі загадкі пра «маміных памочнікаў» – прадметы бытавой тэхнікі, а таксама дзяліліся сваімі навыкамі ў вядзенні хатняй гаспадаркі. Школьнікі паказалі выдатныя веды казак і літаратурных персанажаў, адказваючы на пытанні інтэрактыўнай віктарыны пра маці і іх добрыя ўчынкі.
Завяршэннем творчай майстэрні стала стварэнне ўнікальнай паштоўкі са словамі любові і падзякі сваёй маме.
