Гадзіна прававых ведаў «Скрозь лабірынты сямейнага права»

Details

Створана 17.05.2024 09:54

Сям'я – гэта апора і падтрымка, месца, дзе заўсёды чакаюць і любяць. Тут дапамагаюць справіцца з цяжкасцямі і радуюцца поспехам. Менавіта ў сям'і фарміруецца асоба кожнага чалавека.

Гадзіна прававых ведаў «Скрозь лабірынты сямейнага права», прысвечаная Міжнароднаму дню сям'і, адбылася ў бібліятэцы 15 мая ў рамках мэтавай комплекснай праграмы «Жывое слова мудрасці духоўнай». Мерапрыемства было арганізавана для студэнтаў гуманітарнага факультэта МІПСА, якія навучаюцца па спецыяльнасці «Правазнаўства».

На сустрэчы прысутнічалі протаіерэй Віцебскай епархіі Беларускай Праваслаўнай Царквы Аляксандр Кавалёў, намеснік старшыні Віцебскай абласной калегіі адвакатаў Вера Шлома і натарыус Віцебскай натарыяльнай акругі Наталля Царэнка.

Удзельнікі абмеркавалі пытанні шлюбна-сямейнага заканадаўства, сямейныя каштоўнасці і традыцыі, якія садзейнічаюць умацаванню адносін, даверу і кахання паміж мужам і жонкай.