Лекцыя «Па слядах негатываў Абрама Макоўскага»
- Details
- Створана 15.12.2023 10:38
Бясплатныя курсы «Віцебск: рэальная і папулярная гісторыя роднага горада». Лекцыя 4 (62)
14 снежня ў бібліятэцы адбыліся чарговыя заняткі бясплатных курсаў па гісторыі Віцебска на тэму «Па слядах негатываў Абрама Макоўскага».
Пра жыццё і творчасць вядомага віцебскага фатографа, фотамастака Абрама Яфімавіча Макоўскага расказала краязнаўца і прафесійны архівіст Святлана Мясаедава.
У Віцебскім абласным архіве захаваўся шэраг дакументаў пра сям'ю і прафесійную дзейнасць Абрама Макоўскага. На аснове архіўных матэрыялаў можна прасачыць яго біяграфію, гісторыю яго сям'і, а таксама даведацца пра цікавыя факты аб рабоце фотаатэлье ў канцы XIX – пачатку XX стст.
Святлана Мясаедава ўзгадала цікавы факт з біяграфіі Макоўскага: у 1920-х гадах ён працаваў у крымінальным вышуку, спецыялізуючыся на судовай фатаграфіі. Дзякуючы яго прафесіяналізму ў Віцебску былі раскрытыя некалькі крымінальных спраў.