Творчая сустрэча “Благодарю свою звезду”

Details

Створана 24.01.2012 15:30

19 снежня адбылася творчая сустрэча "Благодарю свою звезду" з прэзідэнтам міжнароднага Інстытута кіравання (г. Архангельск, Расія), членам Саюза пісьменнікаў Расіі Анатолем Мікалаевічам Яжовым.

Напярэдадні сустрэчы ў агульнай чытальнай зале пачала дзейнічаць выстава-прагляд літаратуры "Спорт і кніга".

На вечары выступілі старшыня абласнога аддзялення Саюза пісьменнікаў Беларусі Тамара Краснова-Гусачэнка, старшыня абласной арганізацыі Беларускага саюза мастакоў Аляксандр Гвоздзікаў, паэт Давід Сімановіч.

Пра супрацоўніцтва Віцебскага філіяла МІПСА з Інстытутам кіравання расказаў яго дырэктар Веніямін Космач, а прафесар гэтага ж універсітэта Уладзімір Іваноў – пра сумесныя з А. Яжовым гады вучобы ў Віцебскім тэхнікуме сувязі.

На вечары быў паказаны відэафільм пра падарожжы Анатоля Мікалаевіча ў экстрэмальныя кропкі свету. Гучалі паэтычныя радкі (рубаі), як у выкананні самаго аўтара, так і яго калегі, прарэктара Інстытута кіравання Міхаіла Собалева.

У мерапрыемстве прынялі ўдзел выкладчыкі, навучэнцы і студэнты, прадстаўнікі спартыўнага руху і творчай інтэлігенцыі горада.