Выстава дэкаратыўна-прыкладной творчасці «Мы праз сэрца бачым свет»

Details

Створана 16.12.2021 13:32

Бібліятэка сумесна з абласной арганізацыяй ГА «БелТІЗ» штогод арганізуюць выставы творчасці інвалідаў па зроку і іншыя мерапрыемствы.

9 снежня старшыня Віцебскай абласной арганізацыі ГА «БелТІЗ» Канстанцін Ламчаноўскі і яго намеснік Наталля Аўгусціновіч падвялі вынікі выстаўкі, якая дзейнічала ў бібліятэцы з 15 кастрычніка.

Выстава «Мы праз сэрца бачым свет» накіравана на папулярызацыю творчасці людзей са слабым зрокам і невідушчых людзей, а таксама прыцягненне ўвагі грамадскасці да іх праблем. У экспазіцыі былі прадстаўлены творы, выкананыя ў розных тэхніках – гэта жывапіс, мастацкая і традыцыйная вышыўка, тэкстыль, пляценне з розных матэрыялаў, вязанне, квілінг, бісерапляценне.

Для кожнага чалавека, які займаецца творчасцю, важна, каб хтосьці мог ацаніць плён яго працы, таму гэтая выстава – важная падзея як для яе арганізатараў, так і для ўдзельнікаў.