Святыя і святыні старажытнага Віцебска

Details

Створана 29.04.2019 10:16

Бясплатныя курсы «Віцебск: рэальная і папулярная гісторыя роднага горада»

25 красавіка ў бібліятэцы адбыліся чарговыя заняткі бясплатных курсаў «Віцебск: рэальная і папулярная гісторыя роднага горада» на тэму «Святыя і святыні старажытнага Віцебска». Перад слухачамі курсаў выступіла медыявіст і культуролаг, доктар філалагічных навук Любоў Ляўшун.

Любоў Ляўшун – аўтар больш за 100 навуковых работ па тэорыі і гісторыі ўсходнеславянскай сярэдневяковай кніжнасці і гісторыі культуры беларускіх земляў. Любоў Віктараўна падзялілася сваімі гіпотэзамі пра месца нараджэння Святой Еўфрасінні Полацкай, пра асобу княгіні Ефрасінні Полацкай і іншымі.

З літаратурай, рэкамендаванай для больш глыбокага вывучэння тэмы, можна пазнаёміцца ў аддзеле краязнаўчай літаратуры і бібліяграфіі. Відэаверсіі папярэдніх лекцый і перадач размешчаны на сайце абласной бібліятэкі, а таксама ў групе курсаў у сацыяльнай сетцы.