Рэсурсы публічнага цэнтра прававой інфармацыі

Details

Category: ПЦПІ

Электронныя рэсурсы

Інфармацыйна-пошукавая сістэма «ЭТАЛОН»

Дзяржаўны інфармацыйна-прававы рэсурс, які фарміруецца Нацыянальным цэнтрам заканадаўства і прававой інфармацыі Рэспублікі Беларусь. Дазваляе атрымаць хуткі доступ да эталоннай прававой інфармацыі ад першакрыніцы, інфармацыі правапрымяняльнага характару, уключаючы рашэнні судоў і наглядных органаў, формам юрыдычных дакументаў, а таксама да іншай найбольш запатрабаванай і карыснай інфармацыі: навін заканадаўства, даведнікаў, слоўнікаў юрыдычных тэрмінаў і азначэнняў і інш.

Тэксты ўсіх прававых актаў, якія змяшчаюцца ў банках даных у складзе ІПС «ЭТАЛОН», прадстаўлены ў актуальным стане.

У складзе ІПС «ЭТАЛОН» распаўсюджваюцца:

– копія эталоннага банка даных прававой інфармацыі Рэспублікі Беларусь, якая ўключае банкі даных:

– «Заканадаўства Рэспублікі Беларусь»;

– «Рашэнні органаў мясцовага кіравання і самакіравання»;

– «Міжнародныя дагаворы»;

– банкі даных:

– «Правапрымяняльная практыка»;

– «Судовая практыка»;

– «Формы дакументаў»;

– тэматычныя банкі даных – падборкі прававых актаў, сістэматызаваныя па найбольш актуальных пытаннях працоўнага права, спартыўнага права, адміністрацыйных працэдур, прафсаюзнага руху, еўразійскай эканамічнай інтэграцыі, прадпрымальніцтва, адукацыі, ідэалогіі, інфарматызацыі, а таксама кадравых і бухгалтарскіх пытаннях, пытаннях прававой рэгламентацыі парадку фарміравання, кампетэнцыі, арганізацыі дзейнасці дзяржаўных органаў і арганізацый, органаў судовай улады і органаў пракуратуры і інш.

Электронныя выданні прававой тэматыкі

 «Бізнэс» – змяшчае акты заканадаўства Рэспублікі Беларусь, якія рэгулююць праваадносіны ў сферы бізнэсу, знешнеэканамічнай дзейнасці i інвестыцыйнай палітыкі.

 «Дэпутат» – уключаюць нарматыўныя прававыя акты, якія вызначаюць асновы канстытуцыйнага ладу Рэспублікі Беларусь, выбарчую сістэму, правядзенне выбараў і рэферэндумаў, прававы статус дэпутатаў усіх узроўняў, а таксама нарматыўныя прававыя акты, якія рэгулююць працоўныя адносіны асоб, якія ажыццяўляюць на прафесійнай аснове паўнамоцтвы дэпутатаў.

 «Кодэксы Рэспублікі Беларусь» – змяшчае тэксты Канстытуцыі Рэспублікі Беларусь і ўсе кодэксы, якія забяспечаны алфавітна-прадметнымі паказальнікамі і паартыкульна зместам.

 «Свет Права» – утрымлівае ў сістэматызаваным выглядзе асноўныя нарматыўныя прававыя акты Рэспублікі Беларусь і міжнародныя дакументы, якія тычацца прававога становішча дзяцей, атрымання імі адукацыі, працоўнай дзейнасці, адказнасці, а таксама іншых пытанняў, звязаных з вывучэннем і прымяненнем заканадаўства непаўналетнімі.

 «Помнікі гісторыі права» – змяшчае сістэматызаваную па тэматычных раздзелах падборку з 100 гістарычных прававых актаў, якія дзейнічалі на тэрыторыі сучаснай Беларусі ў XIII-XX стст.

 «Праца і прафсаюзны рух» – змяшчае нарматыўна-прававыя акты Рэспублікі Беларусь і міжнародныя дакументы аб працы і прафсаюзным руху.

Дзяржаўныя інтэрнэт-рэсурсы прававой тэматыкі

 Нацыянальны прававы Інтэрнэт-партал Рэспублікі Беларусь (www.pravo.by) – асноўны дзяржаўны інтэрнэт-рэсурс у галіне права і прававой інфарматызацыі. Адзіная крыніца афіцыйнага апублікавання прававых актаў Рэспублікі Беларусь. Змяшчае прававую інфармацыю, а таксама навукова-практычную, вучэбную, даведачную і іншую інфармацыю ў галіне права і прававой інфарматызацыі.

  Сайт «ЭТАЛОН-ОNLINE» (www.etalonline.by) – самы аператыўны і найбольш просты ў Беларусі спосаб атрымання актуальнай эталоннай прававой інфармацыі, якая абнаўляецца ў рэжыме рэальнага часу па меры ўключэння дакументаў у эталонны банк даных Рэспублікі Беларусь. Доступ да тэкстаў дакументаў на перыяд ад сутак да года ажыццяўляецца па ідэнтыфікатарам карыстальніка (лагін, пароль) як на сайце, так і з дапамогай бясплатнай мабільнай праграмы для планшэтаў і смартфонаў на базе Android і iOS.

  Прававы форум Беларусі (www.forumpravo.by) – інтэрактыўная пляцоўка для зносін наведвальнікаў сайта і спецыялістаў па прававых пытаннях. Асноўная мэта – тлумачэнне спецыялістамі пытанняў у галіне права, абмен прававым вопытам, абмеркаванне заканадаўства і практыкі яго ўжывання, прадастаўленне кожнаму магчымасці выказаць сваё меркаванне.

 Дзіцячы прававы сайт (www.mir.pravo.by) – рэсурс для дзяцей і падлеткаў, які дапаможа ім атрымаць прававыя веды, даведацца пра заканадаўства Рэспублікі Беларусь і іншых краін, свае правы і абавязкі ў цікавай гульнявой форме.

Друкаваныя выданні

 Перыядычныя і неперыядычныя афіцыйныя друкаваныя выданні НЦЗПІ:

– Канстытуцыя і кодэксы Рэспублікі Беларусь;

– Зборнікі нарматыўных прававых актаў і каментаваныя выданні;

– Серыя «Прававая бібліятэка НЦЗПІ»;

– Зборнік прававых актаў «Нацыянальны рэестр прававых актаў Рэспублікі Беларусь».

 Перыядычныя і неперыядычныя выданні прававой тэматыкі, якія атрымлівае Віцебская абласная бібліятэка імя У. І. Леніна ў 2023 годзе:

 часопісы:

– «Бюллетень министерства труда и социальной защиты»;

– «Веснік Канстытуцыйнага суда Рэспублікі Беларусь»;

– «Вестник академии МВД РБ»;

– «Государственный контроль: анализ, практика, комментарии»;

– «Законность и правопорядок»;

– «Международное публичное и частное право»;

– «Милиция Беларуси»;

– «Отдел кадров»;

– «Право.by»;

– «Предварительное расследование»;

– «Судебная экспертиза Беларуси»;

– «Судовы веснiк»;

– «Таможенное дело»;

– «Таможенный вестник»;

– «Трудовое и социальное право»;

– «Уголовное право»;

– «Юридическая психология»;

– «Юрисконсульт»;

– «Юрист» (РБ);

– «Юстиция Беларуси»;

– «Я – юрисконсульт организации».

 газеты:

– «На страже».

• < Назад
• Наперад >