
Больш за ўсё я бацькоўскаму краю адданы
- Подробности
- Создано 27.01.2010 06:07
Гэта першая выстава цыкла, разгорнутая ў аддзеле беларускай літаратуры 4 лютага ў дзень 200-годдзя з дня нараджэння класіка беларускай літаратуры Вінцэнта Дуніна-Марцінкевіча. На выставе прадстаўлены матэрыялы пра розныя перыяды жыцця творцы, пра яго знакамітых сваякоў, звесткі пра цікавыя архіўныя знаходкі...
Што мне пекны Парыж, Рым прыгожы і слынны,
Што швейцарскія горы, старыя Афіны.
Што мне Вена, Мадрыд, што мне Лондан туманны,
Больш за ўсё я бацькоўскаму краю адданы!
Тут прывольна і ўтульна на ўлонні прыроды!
Тут і птушкі спяваюць прыгожа заўсёды!
Тут і сонца на свет весялей паглядае!
І любоў гарачэй тут у сэрцах палае!
Тут, як пройдзе зіма, час к нам вернецца весні,
Заспявае жаўрук свае звонкія песні,
Ветрык з поля раптоўна лагодна павее,
Малады скача з радасці, дзед маладзее!
Тут нявеста, што болей не знойдзеш вярнейшай!
Тут дзяўчына, што ў свеце няма прыгажэйшай.
Тут ёсць праўда і шчырасць, тут людзі з душою!
Тут бацькоў маіх прах пад сырою зямлёю!
Вінцэнт Дунін-Марцінкевіч