
- Подробности
- Создано 10.07.2012 14:30
Ясек Елена |
![]() |
![]() |
Ясек Елена Николаевна.
Магистр. Историк. Преподаватель истории и социально-гуманитарных дисциплин. Живет в городе Берёзовка Лидского района Гродненской области.
По результатм литературного конкурса заняла первое место в возрастной категории от 17 до 25 лет.
ПРЫЕЗД ДАМОЎ
Як мінаеш узгорак,
пожні поля і лес –
выглядае надворак,
вугал хаты і бэз.
Зачакаліся надта
на парозе гасцей,
комін цмокае смачна
лёгкі дыму ручэй.
Бусла клёкат далёкі
каля ганка сустрэў,
голас плётак сарокі,
знак павагі – знямеў.
Я прыехала сёння
на дзяцінства зямлю,
пазнаю наваколле
і сцяжынку сваю,
бо па ёй прахадзіла
незлічона шмат раз.
Тое, што я любіла
не забудзецца час.
Тут прыемна і добра,
многім я, як свая,
бо душой непадробна.
Рады мне – рада я.
|
|
МНЕ ХОРАША ВЯСНОЮ НАЗІРАЦЬ
Мне хораша вясною назіраць,
як зграі птушак з выраю ляцяць,
як іх мая Радзіма сустракае
і як прылёту рады, хто чакае.
Я думаю, што птушкам увышы
міргаюць талым снегам ручаі,
падвозяць, часам, мяккія аблокі
птушыны пералёт, бо шлях далёкі.
Марудна на чужыне дні ідуць,
там нашы птушкі долі не снуюць.
Буслы, шпакі і ластаўкі і гусі
вяртаюцца ў гнёзды Беларусі.
|
|
ЧАЛАВЕК – ГЭТА ЦЭЛЫ СВЕТ
Чалавек – гэта цэлы свет,
Поўніць сэнсам жыцця свой век.
Многа нас на адной зямлі –
І бяздумна жывём калі.
Хто працуе, як чорны вол,
Хто рыфмуе душы прастор,
Хтосьці робіць на здзек усім
Сваім сэрцам да дна сухім.
Аднаму даспадобы дзень,
А другому – паўночны цень,
Першы іншым найперш дае,
А другі да сябе грабе.
Бачым, розныя людзі ёсць,
выбіраюць дабро ці злосць.
Эгаіст не падорыць рай,
Альтруіст не спіхне на край.
Жыць у згодзе з самім сабой –
Нам сцвярджае жыцця закон.
Мы павінны другіх цаніць,
Каб умець сапраўды любіць.
|