Каваленка, В.А. Іван Шамякін : нарыс жыцця і творчасці / В.А. Каваленка. – Мн. : Нар. асвета, 1980. – 207 с. – (Народныя пісьменнікі БССР).

Аўтар знаёміць чытачоў з жыццёвым і творчым шляхам народнага пісьменніка Івана Шамякіна, аналізуе яго творы, выяўляючы творчую манеру і шырокі тэматычны дыяпазон пісьменніка, прыводзіць цікавыя факты з яго жыцця. Адрасуецца вучням і шырокаму колу чытачоў.

Шамякин, И.П. Возьму твою боль : роман / И.П. Шамякин. – Мн. : Маст. лiт., 1987. – 382 с. – (Библиотека советского романа).

Главный герой романа “Возьму твою боль” И.П. Шамякина Иван Батрак, детство которого пришлось на тяжелые годы Великой Отечественной войны, – коммунист, занятый мирным трудом хлебороба. Возвращение в село бывшего полицая, участвовавшего в расстреле матери Ивана, разбудило боль, память о прошлом… Драматизм произведения, его публицистическая страстность заставляют читателя еще раз задуматься над уроками войны, над острейшими нравственными проблемами сегодняшнего дня.

Шамякін, І.П. Глыбокая плынь : раман / І.П. Шамякін. – Мн. : Маст. літ., 1996. – 286 с.

Галоўная гераіня рамана Таццяна Маеўская ў першыя дні вайны выратоўвае яўрэйскага хлопчыка. Мачаха выдае Таццяну і расказвае аб гэтым нямецкаму агенту Мацею Куляшу. Пасля гэтага да Таццяны завітваюць паліцэйскія, яна праяўляе смеласць і рашучасць. Таццяна забівае фашысцкіх паслугачоў, а сама з дзіцём і бацькам падаецца ў партызаны, каб помсціць ворагам.

Шамякін, І.П. Гандлярка і паэт; Шлюбная ноч : аповесці / І.П. Шамякін. – Мн. : Маст. літ., 1976. – 335 с.

Простая жанчына з аповесці “Гандлярка і паэт”, якая да вайны толькі і ведала гандляваць на базары, пабачыўшы жахі фашысцкае акупацыі, актыўна ўключаецца ў падпольную работу і гіне, узрываючы сябе і ворагаў гранатаю…

Пра трагічны лёс маладых падпольшчыкаў, іх нязломную волю да перамогі расказваецца ў аповесці “Шлюбная ноч”.

Шамякін, І.П. Зеніт : раман : [для ст. шк. узросту] / І.П. Шамякін. – Мн. : Юнацтва, 1987. – 511 с.

Сюжэт рамана народнага пісьменніка Беларусі Івана Шамякіна ахоплівае падзеі апошняга года вайны – ад пераможнага наступлення нашых войск на Карэльскім фронце летам 1944 года да Дня Перамогі. У цэнтры твора – маладыя салдаты зенітнага дывізіёна, іх клопаты, радасці, спадзяванні. Многія старонкі рамана расказваюць пра каханне, верную дружбу.

Шамякін, І.П. Іван Шамякін. Летапісец эпохі : успаміны, інтэрв'ю, эсэ / уклад. Алесі Шамякінай. – Мн. : Маст. лiт., 2010. – 382 с. : іл. – (Жыццё знакамітых людзей Беларусі : ЖЗЛБ).

Кніга прысвечана памяці Івана Шамякіна (1921–2004), народнага пісьменніка Беларусі. У ёй, любоўна ўкладзенай і падрыхтаванай да друку дачкой славутага празаіка А.І. Шамякінай, праз успаміны сваякоў, сяброў, літаратараў, архітэктараў, жывапісцаў паўстае вобраз Мастака і Чалавека ва ўсёй яго філасофскай велічы і прыгажосці. Абаяльны, дасціпны, таленавіты творца, глыбокі філосаф і эрудыт, ён застанецца ў гісторыі беларускай культуры прыкладам самаадданага служэння Радзіме.

Шамякін, I.П. Роздум на апошнiм перагоне : дзённiкi 1980–1995 гадоў / І.П. Шамякін. – Мн. : Маст. лiт., 1998. – 527 с.

“Роздум на апошнiм перагоне” – так назваў народны пісьменнік Іван Шамякін кнігу сваіх дзённікаў-успамінаў. Пісьменнік, які многія дзесяцігоддзі быў у цэнтры літаратурнага і грамадскага жыцця, пятнаццаць апошніх гадоў, з перапынкамі, вядзе дзённікі. Але гэта не толькі запісы падзей бягучага дня. Гэта расказ пра сваё маленства, пра дзеда, бацьку, маці, пра жонку, дзяцей, сваякоў, пра людей, з якімі разам ваяваў у суровыя гады ваеннага ліхалецця.

Шамякін, І.П. Трывожнае шчасце : аповесці / І.П. Шамякін. – Мн. : Маст. лiт., 2008. – 607 с. – (Бібліятэка школьніка).

У пенталогіі “Трывожнае шчасце” народны пісьменнік Беларусі Іван Шамякін на аснове ўласна перажытага паказаў лёс усяго пакалення, якое прыйшло праз цяжкія выпрабаванні вайны і ў нялёгкіх пасляваенных умовах аднаўляла родны край.