|
|
 |
 |
Выстава «Кушать подано! Рецепты от писателей»
- Details
- Створана 02.07.2026 08:30
Цыкл выстаў «На літаратурным перакрыжаванні», які дапамагае ўбачыць знакамітых аўтараў з незвычайных і цікаўных бакоў, працягвае новая экспазіцыя «Кушать подано! Рецепты от писателей».
Штогод 16 ліпеня неафіцыйна адзначаецца Дзень смачнай ежы – свята для ўсіх, хто шануе гастранамічныя задавальненні.
Дакладнае паходжанне свята невядома, але з кожным годам яно становіцца ўсё больш папулярным. У розных краінах гэты дзень адзначаюць кулінарнымі фестывалямі і тэматычнымі вячэрамі, а ў сацыяльных сетках 16 ліпеня папулярны хэштэг #ДзеньСмачнайЕжы.
Хто не любіць добра паесці? Правільна, усе любяць. І пісьменнікі не былі выключэннем.
На выставе «Кушать подано! Рецепты от писателей» у агульнай чытальнай зале вы даведаецеся, якой ежы аддавалі перавагу найвялікшыя майстры слова: у чыім рацыёне прысутнічалі незвычайныя стравы, хто быў фанатам наватарскай кулінарыі, а хто не ўяўляў свайго дня без традыцыйнай кухні, хто быў самым вялікім гурманам сярод творчай інтэлігенцыі, што любіў Пушкін, і якім пірагом частавалі гасцей у сям'і Талстых.
Супрацоўнікі агульнай чытальнай залы спадзяюцца, што выстава «Кушать подано! Рецепты от писателей» дапаможа вам зладзіць гастранамічны квэст з сябрамі ці паспрабаваць незнаёмую раней ежу. Магчыма, вы прыгатуеце сваю фірмовую страву ці наведаеце кафэ з незвычайнай кухняй.
Чакаем чытачоў у госці за новымі адкрыццямі!
