|
|
 |
 |
Урачыстая цырымонія ўзнагароджання лаўрэатаў «Літаратурнай прэміі імя Петруся Броўкі» Віцебскага аблвыканкама
- Details
- Створана 24.12.2025 15:25
Урачыстая цырымонія ўзнагароджання лаўрэатаў «Літаратурнай прэміі імя Петруся Броўкі» Віцебскага аблвыканкама за 2025 год адбылася ў Віцебскай абласной бібліятэцы 24 снежня.
Лаўрэатамі прэміі ў розных намінацыях сталі Уладзімір Мажылоўскі (проза), Надзея Салодкая (паэзія), Галіна Трафімава (літаратура для дзяцей).
Пра творчыя дасягненні пісьменнікаў Віцебскага абласнога аддзялення ГА «Саюз пісьменнікаў Беларусі» расказала старшыня аддзялення, заслужаны дзеяч культуры Рэспублікі Беларусь Тамара Краснова-Гусачэнка. Намеснік старшыні Віцебскага абласнога выканаўчага камітэта Вячаслаў Дурноў пажадаў пісьменнікам Віцебшчыны новых творчых дасягненняў.
Вершы Петруся Броўкі чытаў вядучы цырымоніі, галоўны спецыяліст упраўлення культуры Віцебскага аблвыканкама Дзяніс Юрчак. Падарункам для лаўрэатаў і гасцей стала віншаванне ад студэнтаў Віцебскага дзяржаўнага музычнага каледжа імя І. І. Салярцінскага.
