|
|
 |
 |
Дар мастака Вячаслава Дружкіна
- Details
- Створана 24.12.2025 14:55
Віцебская абласная бібліятэка атрымала ў дар карціну «Казіміру Малевічу» мастака Вячаслава Дружкіна.
У залах і прасторах Віцебскай абласной бібліятэкі размешчаны больш за 60 жывапісных і графічных работ Уладзіміра Вальнова, Фелікса Гумена, Анатоля Ізаіткі, Рыгора Клікушына, Алега Крошкіна, Аляксандра Падалінскага, Аляксея Пшонкі, Вікенція Ральцэвіча, Вячаслава Шамшура і многіх іншых. Па даўняй традыцыі пасля завяршэння сваіх выставак у праекце «Адлюстраванне» мастакі дораць свае творы ў фонд бібліятэкі.
Гэтыя работы ствараюць утульную і натхняльную атмасферу, адлюстроўваюць асаблівасці віцебскай мастацкай традыцыі і ўзбагачаюць культурную прастору бібліятэкі.
Карціна «Казіміру Малевічу» Вячаслава Дружкіна не проста ўпрыгожванне, а інтэлектуальны аб'ект. Яна з'яўляецца данінай павагі да рэвалюцыйнага ўкладу заснавальніка супрэматызму ў развіццё сучаснага мастацтва. Авангард – гэта заўсёды выклік і дыялог, пошук гармоніі ў простых геаметрычных формах, гэта мастацтва эксперыменту, наватарства, адмовы ад класічных канонаў. У стылі авангарда кожная лінія мае значэнне.
