Прэзентацыя кнігі Аркадзя Падліпскага «Они почти наши земляки»

Details

Створана 12.12.2025 14:23

Прэзентацыя новай кнігі краязнаўцы Аркадзя Падліпскага «Они почти наши земляки» у рамках праекта «Краязнаўчыя сустрэчы» адбылася ў бібліятэцы 11 снежня.

Аўтар прысвяціў выданне памяці заснавальніка і шматгадовага рэдактара абласной газеты «Народнае слова» Сяргея Рублеўскага. Менавіта з успамінаў пра яго Аркадзь Падліпскі распачаў сустрэчу.

У новым выданні Аркадзь Міхайлавіч расказвае пра знакамітых ці вельмі вядомых людзей, чые сваякі – бацька ці маці, муж ці жонка – нарадзіліся ў Віцебску. На думку аўтара, такіх людзей можна лічыць «амаль землякамі». Героямі кнігі сталі артысты і пісьменнікі, вучоныя і журналісты, дзеячы кіно і музыканты, а таксама паспяховыя бізнесмены.

Падчас прэзентацыі Аркадзь Міхайлавіч расказаў пра некаторых з іх: кінаакцёраў Вію Артманэ, Жанну Прахарэнку, Готліба Ранінсона, мастака-мультыплікатара Фёдара Хітрука, нобелеўскага лаўрэата Алана Хігера, мільярдэраў Арманда Хамера і Сяргея Брына. Новая кніга стала яшчэ адным укладам у захаванне культурнай памяці і ўмацаванне сувязі Віцебска з імёнамі людзей, якія ўславілі сябе ў розных сферах дзейнасці.