|
|
 |
 |
Гадзіна інфармавання «Дзіцячая бяспека на дарогах»
- Details
- Створана 07.07.2022 08:17
6 ліпеня ў бібліятэцы прайшла гадзіна інфармавання па пытанні дзіцячага дарожна-транспартнага траўматызму і найбольш тыповых здарэнняў і надзвычайных сітуацый з удзелам дзяцей.
Старшы інспектар аддзялення агітацыі і прапаганды ДАІ УУС Віцебскага аблвыканкама Арцём Шыбека расказаў аб апошніх дарожна-транспартных здарэннях, нагадаў аб важнасці выканання правілаў дарожнага руху і правільнага выкарыстання святлоадбівальных элементаў, рамянёў бяспекі і бустэраў для дзяцей.
Вялікая ўвага была нададзена асаблівасцям, звязаным з кіраваннем сродкамі персанальнай мабільнасці: электрасамакатамі, электраскейтбордамі, гіраскутарамі, сігвеямі, монаколамі. Арцём Аляксеевіч таксама расказаў аб новаўвядзеннях у заканадаўстве, аб якіх павінны ведаць вадзіцелі і пешаходы, і адказаў на шматлікія пытанні прысутных.
