
Прэзентацыя кнігі Ганны Навасельцавай «І чарам сніцца чалавек…»
- Details
- Створана 06.06.2016 05:01
7 чэрвеня ў бібліятэцы адбылася прэзентацыя кнігі міфалагічных апавяданняў кандыдата філалагічных навук, выкладчыка ВДУ імя П. М. Машэрава Ганны Навасельцавай «І чарам сніцца чалавек...». Гэта першая кніга маладога аўтара, да гэтага часу творы пісьменніцы можна было прачытаць на старонках літаратурных часопісаў, альманахаў, зборнікаў.
Аўтар пазнаёміла прысутных з героямі і прататыпамі сваіх міфалагічных апавяданняў, правяла невялікі экскурс па кнігах жанру фэнтэзі пісьменнікаў розных краін свету.
На прэзентацыі прысутнічалі студэнты і выпускнікі ВДУ імя П. М. Машэрава, якія сказалі шмат цёплых слоў у адрас свайго выкладчыка. Працавітасць, адказнасць, безумоўны пісьменніцкі талент Ганны Віктараўны адзначылі доктар філілагічных навук, прафесар ВДУ імя П. М. Машэрава Ванда Бароўка, кандыдат філалагічных навук, дацэнт ВДУ імя П. М. Машэрава, паэтэса Вольга Русілка. Празаік Франц Сіўко ўспомніў пра першыя крокі Ганны Навасельцавай у літаратурнай творчасці і пажадаў аўтару не спыняцца ў стварэнні новых вобразаў, у самадасканаленні.
Супрацоўнікі аддзела краязнаўчай літаратуры і бібліяграфіі падрыхтавалі да мерапрыемства выставу літаратурных публікацый Ганны Навасельцавай.
Аўтар перадала ў падарунак кожнай бібліятэчнай сістэме вобласці асобнікі сваёй кнігі «І чарам сніцца чалавек...».