Сустрэча з паэтам Генадзем Бураўкіным

Подробности

Создано 09.09.2010 05:41

8 верасня ў аддзеле беларускай літаратуры сабраліся прыхільнікі беларускай паэзіі на сустрэчу з вядомым беларускім паэтам Генадзем Бураўкіным.

У канцы мінулага года ў серыі “Беларускі кнігазбор” выйшла яго кніга “Выбраныя творы”. А месяц таму пабачыў свет новы зборнік паэта “Лісты да запатрабавання”. Кніга напісана ўжо ў ХХІ стагоддзі. Яе аснову склалі паэмы “Узнясенне” і “Развітанне”, прысвечаныя апосталам Бацькаўшчыны Францішку Багушэвічу і Якубу Коласу, а таксама лірычныя вершы, асветленыя сыноўскай любоўю да роднай зямлі.

На працягу дзвюх гадзін Генадзь Мікалаевіч чытаў вершы з новай кнігі, успамінаў творы, апублікаваныя ў сваіх ранейшых зборніках, а таксама адказваў на шматлікія пытанні прысутных.

Пасля вечарыны шмат паклоннікаў творчасці Генадзя Бураўкіна атрымалі новую кнігу з аўтографам аўтара.