Янка Купала. «Мне сняцца сны аб Беларусі...» : успаміны, эсэ, артыкулы, дакументы / уклад. Г. Шаблінскай. – Мінск : Мастацкая літаратура, 2012. – 700, [1] с., іл. – (Жыццё знакамітых людзей Беларусі, ЖЗЛБ).

У чарговай кнізе серыі «Жыццё знакамітых людзей Беларусі» сабраны матэрыялы, якія раскрываюць перыпетыі жыццёвага і творчага лёсу заснавальніка новай беларускай літаратуры, першага народнага паэта Беларусі Янкі Купалы. Гэта ўспаміны яго сучаснікаў: родных і блізкіх, пісьменнікаў і навукоўцаў, дзеячаў мастацтва і культуры, кіраўнікоў і простых людзей, якія сустракаліся з Янкам Купалам. У выданне таксама ўключаны некаторыя афіцыйныя дакументы, лісты, артыкулы, якія тлумачаць асаблівасці гістарычнай эпохі, у якой выпала жыць паэту. Упершыню друкуюцца тры раздзелы з манаграфіі першага біёграфа Янкі Купалы Льва Клейнбарта «Янка Купала. Вопыт характарыстыкі літаратурнай і біяграфічнай» (1929–1934).

Якуб Колас. У думках, у сэрцах, у песнях : успаміны, нарысы, эсэ, прысвячэнні / уклад. М. Міцкевіча. – Мінск : Мастацкая літаратура, 2012. – 605, [1] с., іл. – (Жыццё знакамітых людзей Беларусі, ЖЗЛБ).

Чарговы том серыі «Жыццё знакамітых людзей Беларусі» прысвечаны памяці Якуба Коласа (1882–1956), народнага паэта Беларусі, аднаго з заснавальнікаў сучасных беларускай мовы і літаратуры, акадэміка Нацыянальнай акадэміі навук Беларусі, заслужанага дзеяча навукі Беларусі, лаўрэата шматлікіх дзяржаўных прэмій і ўзнагарод. Праз успаміны родных і блізкіх, паплечнікаў і сяброў, вучняў і землякоў паўстае вобраз Мастака і Чалавека ва ўсёй філасофскай велічы і прыгажосці. Дасціпны, таленавіты творца, глыбокі філосаф, чалавек з сапраўдным дзяржаўным мысленнем, Якуб Колас жыве ў сэрцах і думках беларусаў. Вершы-прысвячэнні вядомых пісьменнікаў сплятаюць вянок любові Народнаму Песняру.

Купала і Колас, вы нас гадавалі : дакументы і матэрыялы / уклад.: В. Дз. Селяменеў [і інш.] ; рэдкал.: М. І. Мушынскі [і інш.]. – Мінск : Літаратура і Мастацтва, 2010. – Кн. 1 : 1909–1939. – 320 с.

У зборнік увайшлі невядомыя і малавядомыя дакументы, у тым ліку аўтографы народных паэтаў Беларусі Янкі Купалы і Якуба Коласа. Аснову зборніка складаюць дакументы Нацыянальнага архіва Рэспублікі Беларусь, Расійскага дзяржаўнага архіва літаратуры і мастацтва, таксама выкарыстаны матэрыялы музеяў класікаў, Беларускага дзяржаўнага архіва-музея літаратуры і мастацтва, Дзяржаўнага архіва Мінскай вобласці, Цэнтральнага архіва Камітэта дзяржаўнай бяспекі Рэспублікі Беларусь і інш.

Купала і Колас, вы нас гадавалі : дакументы і матэрыялы / уклад.: В. Дз. Селяменеў [і інш.] ; рэдкал.: М. І. Мушынскі [і інш.]. – Мінск : Літаратура і Мастацтва, 2011. – Кн. 2 : 1909–1939. Ч. 1. – 381 с.

У зборнік увайшлі невядомыя і малавядомыя дакументы, у тым ліку аўтографы народных паэтаў Беларусі Янкі Купалы і Якуба Коласа, матэрыялы біяграфічнага характару, сведчанне пра грамадскае і літаратурнае акружэнне песняроў, увекавечанне іх памяці. Аснову зборніка складаюць дакументы Нацыянальнага архіва Рэспублікі Беларусь, Дзяржаўнага архіва Расійскай Федэрацыі, Расійскага дзяржаўнага архіва літаратуры і мастацтва. Выкарыстаны матэрыялы музеяў класікаў, архіва Якуба Коласа, што захоўваюцца ў яго нашчадкаў, а таксама Цэнтральнага навуковага архіва НАН Беларусі, Беларускага дзяржаўнага музея гісторыі Вялікай Айчыннай вайны Цэнтральнага архіва Камітэта дзяржаўнай бяспекі Рэспублікі Беларусь і інш.

Купала і Колас, вы нас гадавалі : дакументы і матэрыялы / уклад.: В. Дз. Селяменеў [і інш.] ; рэдкал.: М. І. Мушынскі [і інш.]. – Мінск : Літаратура і Мастацтва, 2012. – Кн. 2 : 1939–2009. Ч. 2. – 336 с.

У зборнік увайшлі невядомыя і малавядомыя дакументы, у тым ліку аўтографы народных паэтаў Беларусі Янкі Купалы і Якуба Коласа, матэрыялы біяграфічнага характару, сведчанне пра грамадскае і літаратурнае акружэнне песняроў, увекавечанне іх памяці. Аснову зборніка складаюць дакументы Нацыянальнага архіва Рэспублікі Беларусь, Дзяржаўнага архіва Расійскай Федэрацыі, Расійскага дзяржаўнага архіва літаратуры і мастацтва. Выкарыстаны матэрыялы музеяў класікаў, архіва Якуба Коласа, што захоўваюцца ў яго нашчадкаў, а таксама Цэнтральнага навуковага архіва НАН Беларусі, Беларускага дзяржаўнага музея гісторыі Вялікай Айчыннай вайны Цэнтральнага архіва Камітэта дзяржаўнай бяспекі Рэспублікі Беларусь і інш.

Науменко, И. Янка Купала; Якуб Колас : творческие портреты / И. Науменко ; перевод с белорусского В. Жиженко. – Москва : Советский писатель, 1982. – 287 с.

Книга белорусского прозаика и литературоведа И. Науменко содержит идейно-эстетический анализ творчества виднейших поэтов Беларуси Янки Купалы и Якуба Коласа. Автор показывает тесно связанный с именами двух поэтов процесс становления и зарождения белорусской национальной поэзии. Рассматривая Я. Купалу и Я. Коласа в качестве основоположников современной белорусской словесности, И. Науменко в то же время стремится определить их место и значение в истории развития всей многонациональной советской литературы.

Разам з народам : матэрыялы юбілейных навуковых сесій АН БССР, прысвечаных 100-годдзю з дня нараджэння Я. Купалы і Я. Коласа. – Мінск : Навука і тэхніка, 1983. – 147 с.

У зборнік уключаны даклады, прысвечаныя 100-годдзю з дня нараджэння Янкі Купалы і Якуба Коласа.