|
|
|
|
|
 |
 |
Аддзел аўтаматызацыі бібліятэчных працэсаў
Аддзел аўтаматызацыі бібліятэчных працэсаў з'яўляецца асноўным падраздзяленнем бібліятэкі па ўкараненні аўтаматызаваных тэхналогій для выканання бібліятэчных працэсаў. Створаны пры бібліятэцы ў 1998 годзе, у 2006 годзе быў рэарганізаваны ў аддзел.
Яго асноўнай задачай з'яўляецца арганізацыя бесперабойнага функцыянавання аўтаматызаванай бібліятэчна-інфармацыйнай сістэмы (АБІС) у цэлым, работы і ўзаемадзеянні ўсіх яе АРМаў.
Сёння ў бібліятэцы функцыянуе лакальная вылічальная сетка, у якой задзейнічана больш за 100 рабочых месцаў.
ПРЫЯРЫТЭТНЫЯ НАКІРУНКІ РАБОТЫ
распрацоўка прапаноў па ўкараненні сучасных інфармацыйных тэхналогій для аўтаматызацыі бібліятэчных працэсаў, тэсціраванне і суправаджэнне праграмнага забеспячэння;
павышэнне якасці бібліятэчных паслуг на аснове аўтаматызацыі бібліятэчна-інфармацыйных працэсаў;
забеспячэнне рацыянальнай арганізацыі, назапашвання, захавання і вядзення баз дадзеных і інфармацыйных рэсурсаў;
стварэнне ўмоў для паскоранага і спрошчанага доступу да сусветных інфармацыйных сетак інтэрнэта для карыстальнікаў і супрацоўнікаў бібліятэкі;
развіццё структуры, дызайн, тэхнічная падтрымка і прасоўванне вэб-сайта бібліятэкі ў асяроддзі інтэрнэт;
стварэнне інфармацыйных рэсурсаў бібліятэкі на электронных носьбітах і ў сетцы інтэрнэт;
аблічбоўка дакументаў на кніжным планетарным сканары фармату А2, іх улік, сістэматызацыя;
удзел у падрыхтоўцы друкаванай прадукцыі: вёрстка, камп'ютарнае, мастацкае афармленне і друк бібліяграфічных паказальнікаў, спісаў і метадычных выданняў;
аказанне метадычнай дапамогі сеткам бібліятэк вобласці па рабоце з АБІС «ALIS-WEB», захаванасці і індэксіраванні баз дадзеных, па рабоце з электроннай поштай і інтэрнэтам.
