Паспяховае ўзаемадзеянне бібліятэкі і ўніверсітэта

Details

Створана 03.11.2023 08:57

Студэнты 4 курса факультэта «Сацыяльная педагогіка» УА «Віцебскі дзяржаўны ўніверсітэт імя П. М. Машэрава» наведалі выставу дэкаратыўна-прыкладной творчасці людзей з інваліднасцю па зроку «Прамяні сэрца», прымеркаваную да рэспубліканскага месячніка «Чалавек з белай тросцю».

У аддзеле перыядычнай літаратуры студэнты даведаліся пра досвед сацыяльнай працы Віцебскай абласной бібліятэкі з людзьмі з абмежаванымі магчымасцямі зроку. Яны ўбачылі, як такія людзі праяўляюць свой талент, нягледзячы на свае фізічныя асаблівасці. Творчая самарэалізацыя дапамагае ім пераадольваць сацыяльную ізаляцыю і знаходзіць сваё месца ў грамадстве. У бібліятэцы гэта дасягаецца шляхам арганізацыі розных мерапрыемстваў, выставак, канцэртаў.

Выстаўка «Прамяні сэрца» ўяўляе сабой яркую панараму розных відаў дэкаратыўна-прыкладнога мастацтва, аб'ядноўвае яркія і творчыя работы, выкананыя ў розных жанрах, стылістыцы і тэхніках.