|
|
|
|
|
 |
 |
Пасяджэнне Каардынацыйнага савета грамадскіх арганізацый і палітычных партый горада Віцебска
- Details
- Створана 19.01.2023 14:24
17 студзеня ў Віцебскай абласной бібліятэцы адбылося пашыранае пасяджэнне Каардынацыйнага савета грамадскіх арганізацый і палітычных партый горада Віцебска, прысвечанае 85-годдзю ўтварэння Віцебскай вобласці.
З прывітальным словам выступілі намеснік старшыні Віцебскага гарвыканкама Віктар Глушын і старшыня Каардынацыйнага савета грамадскіх арганізацый і палітычных партый горада Віцебска Ларыса Аленская. Старшыня Вiцебскага гарадскога Савета дэпутатаў Уладзімір Бялевіч у сваім дакладзе акрэсліў пытанні сацыяльна-эканамічнага развіцця горада Віцебска.
Грамадскімі арганізацыямі Віцебска рэалізуецца грамадзянска-патрыятычны праект «Наш город: время и люди», які расказвае пра віцяблян, што ўнеслі значны ўклад у развіццё горада. Удзельнікі праекта, члены прэзідыума Віцебскага гарадскога савета ветэранаў Васіль Антонаў і Еўдакія Коласава падзяліліся сваімі ўспамінамі пра тое, як адбудоўваўся Віцебск у пасляваенныя гады, як развівалася будаўнічая галіна. У 2023 годзе споўніцца 105 год з дня нараджэння Пятра Міронавіча Машэрава, пра асобу якога неаднаразова гаварылася падчас пасяджэння. Пра сустрэчы з нашым знакамітым земляком узгадала кіраўнік Віцебскага рэгіянальнага цэнтра героіка-патрыятычнага выхавання моладзі «ПОШУК» Ларыса Бруева.
Супрацоўнікамі бібліятэкі была арганізавана кніжная выстава-прагляд «Віцебская вобласць – вехі гісторыі». Сувядучая мерапрыемства, загадчык аддзела краязнаўства Ларыса Рагачова, акрэсліўшы асноўныя вехі гісторыі Віцебшчыны, расказала пра вялікую мэтанакіраваную працу, што вядзецца ў бібліятэцы па захаванні і папулярызацыі ведаў пра Віцебскі край. Сапраўдным цэнтрам духоўнай і патрыятычнай асветы таксама з'яўляецца Нацыянальны акадэмічны драматычны тэатр імя Якуба Коласа. Гісторыю станаўлення тэатра нагадаў супрацоўнік літаратурнай часткі, мастацтвазнаўца Юрый Іваноўскі, да якога далучыліся са сваімі яскравымі выступленнямі артысткі тэатра Вольга Куляшова і Святлана Жукоўская.
Святочны настрой усім падарылі ўдзельнікі ансамбля цымбалістаў дзіцячай школы мастацтваў імя А. Багатырова г. Віцебска і дуэта гітарыстаў у складзе Таццяны Дзеравянка і Анастасіі Каляды дзіцячай школы мастацтваў № 6 г. Віцебска.
