Літаратурна-музычная вечарына «Слову друкаванаму прысвячаецца»

Details

Створана 07.09.2022 08:47

6 верасня да 505-годдзя беларускага кнігадрукавання і Дня беларускага пісьменства ў бібліятэцы прайшла літаратурна-музычная вечарына «Слову друкаванаму прысвячаецца», дзе прысутныя пазнаёміліся з кніжнай спадчынай беларускага першадрукара Францыска Скарыны.

Прарэктар па выхаваўчай рабоце Віцебскай духоўнай семінарыі іерэй Дыянісій Андрэеў расказаў аб адносінах царквы да спадчыны Скарыны.

У мерапрыемстве прынялі ўдзел члены Віцебскага абласнога аддзялення Саюза пісьменнікаў Беларусі Тамара Краснова-Гусачэнка і Сяргей Красаў.

Тамара Краснова-Гусачэнка расказала аб удзеле віцебскай дэлегацыі ў Дні беларускага пісьменства ў Добрушы і перадала ў дар бібліятэцы кнігі.

Сяргей Красаў прэзентаваў сваю новую кнігу «Вторая попытка» ў стылі патрыятычнай фантастыкі.

Літаратурна-музычную вечарыну ўпрыгожыла выступленне гурта «Каўчэг».

Супрацоўнікі агульнай чытальнай залы падрыхтавалі кніжную выставу «Свет ведаў адкрывае кніга».