Адкрыццё выставы акварэлі Уладзіміра Напрэенкі «Вясновы вернісаж»

Details

Створана 18.02.2021 13:50

17 лютага ў рамках бібліятэчнага праекта «Адлюстраванне» адкрылася выстава акварэльных работ члена Беларускага саюза мастакоў Уладзіміра Напрэенкі «Вясновы вернісаж».

Уладзімір Пятровіч нарадзіўся 2 студзеня 1944 года ў вёсцы Антонаўка Касцюковіцкага раёна. Скончыў мастацка-графічны факультэт Віцебскага дзяржаўнага педагагічнага інстытута імя С. М. Кірава (1970). Жыве ў Віцебску.

Працуе пераважна ў тэхніцы акварэлі ў розных жанрах. У пейзажах і нацюрмортах мастака закладзена пачуццёвасць, цеплыня, каляровая насычанасць прыроды. Творам уласцівыя лірыка-паэтычнае асэнсаванне рэчаіснасці, адлюстраванне гармоніі і адзінства чалавека і прыроды.

Удзельнік шматлікіх міжнародных, рэспубліканскіх, абласных і гарадскіх выстаў і пленэраў. Работы знаходзяцца ў Магілёўскім мастацкім музеі імя П. В. Масленікава, прыватных калекцыях.

Выстава адкрыта да 31 сакавіка.