Абласны семінар дырэктараў публічных бібліятэк

Details

Створана 12.02.2020 14:19

11 лютага адбыўся абласны семінар для дырэктараў раённых і гарадскіх сетак публічных бібліятэк Віцебскай вобласці «Публічная бібліятэка сёння: выклікі часу, стратэгія дзейнасці».

У рабоце семінара прынялі ўдзел галоўны спецыяліст упраўлення культуры Віцебскага аблвыканкама Зоя Гукава, дырэктар ДУ «Віцебская абласная бібліятэка імя У. І. Леніна» Таццяна Адамян, намеснік дырэктара Вольга Камендантава, кіраўнікі і спецыялісты цэнтралізаваных бібліятэчных сістэм вобласці.

З дакладам аб дзейнасці цэнтральнай бібліятэкі імя А. С. Пушкіна ў рамках рэалізацыі рэспубліканскага галіновага плана мерапрыемстваў па развіцці сферы культуры Аршанскага раёна выступіла дырэктар Аршанскай ЦБС Аксана Кулагіна.

Аб сумеснай працы Віцебскага абласнога камітэта прыродных рэсурсаў і аховы навакольнага асяроддзя з публічнымі бібліятэкамі вобласці распавяла начальнік аддзела арганізацыйнай, прававой і кадравай работы Камітэта Людміла Капранава.

У рамках семінара адбыўся круглы стол «Актуальныя пытанні бібліятэчнай справы», на якім асаблівая ўвага была нададзена пытанням арганізацыі дзейнасці аб'яднаных бібліятэк, напаўнення вэб-сайтаў і камплектавання фондаў публічных бібліятэк у кантэксце сучаснага заканадаўства аб дзяржаўных закупках.

Кіраўнікі пазнаёміліся з выставай работ, прадстаўленых бібліятэкамі Віцебскай вобласці для ўдзелу ў XXVIII Рэспубліканскім конкурсе «Бібліятэка – асяродак нацыянальнай культуры».