|
 |
 |
Абласны семінар дырэктараў «Публічная бібліятэка ў сучасным грамадстве»
- Details
- Створана 06.02.2019 16:03
5 лютага адбыўся абласны семінар дырэктараў раённых і гарадскіх сетак публічных бібліятэк Віцебскай вобласці «Публічная бібліятэка ў сучасным грамадстве».
У семінары ўдзельнічалі галоўны спецыяліст упраўлення культуры Віцебскага аблвыканкама Зоя Гукава, дырэктар Віцебскай абласной бібліятэкі імя У. І. Леніна Таццяна Адамян, кіраўнікі і спецыялісты цэнтралізаваных бібліятэчных сістэм вобласці.
Удзельнікі семінара пазнаёміліся з вынікамі работы рэгіянальнай сеткі публічных бібліятэк вобласці за 2018 год. Быў заслуханы даклад дырэктара Аршанскай ЦБС Аксаны Кулагінай пра новыя вектары развіцця публічных бібліятэк Аршанскага раёна.
Асаблівая ўвага была нададзена пытанням парушэнняў заканадаўства аб барацьбе з карупцыяй па выніках праверкі пракуратурай вобласці ўстаноў культуры. Праведзена прэзентацыя мультымедыйнага рэсурсу Віцебскай цэнтральнай раённай бібліятэкі «Турыстычныя маршруты Прыдзвіння».
Падчас семінара адбыўся круглы стол «Бібліятэка і час: будучыня, якую мы ствараем», прысвечаны юбілейным датам бібліятэк вобласці.
