Еўразійскі бібліятэчны Інтэрнэт-форум «Футбол – спорт, мастацтва, творчасць»

Details

Створана 03.01.2019 11:26

2 студзеня ў бібліятэцы адбылася ўрачыстая цырымонія ўзнагароджання пераможцаў і прызёраў Еўразійскага бібліятэчнага Інтэрнэт-форуму «Футбол – спорт, мастацтва, творчасць» у рамках міжнароднага праекта «Дыялог нацыянальных літаратур».

Ва ўнікальным праекце, арганізаваным і праведзеным калектывам Краснадарскай краёвай юнацкай бібліятэкі імя І. Ф. Варавы, прынялі ўдзел маладыя чытачы і бібліятэчныя спецыялісты з Расіі, Абхазіі, Беларусі і Казахстана. Форум спрыяў прыцягненню юнакоў і дзяўчат да актыўнага чытання і творчасці, а таксама прапагандзе спорту і здаровага ладу жыцця.

У трох творчых намінацыях Інтэрнэт-форуму, прысвечанага XXI чэмпіянату свету па футболе, было прадстаўлена больш за 150 работ, з якімі пазнаёміліся амаль шэсць тысяч карыстальнікаў сеткі.

Пераможцам міжнароднага этапу ў намінацыі «Бібліятэкар» стала Інга Сарока, загадчык электроннай чытальнай залы Віцебскай абласной бібліятэкі імя У. І. Леніна – аўтар электроннай кніжна-ілюстрацыйнай выставы «Паэзія футбола».

Прызёрам міжнароднага этапу ў намінацыі «Малады чытач» стаў Аляксей Глазман, чытач Віцебскай абласной бібліятэкі імя У. І. Леніна – аўтар буктрэйлера «И все-таки футбол».

Дыпломы і памятныя прызы ўручыла дырэктар Віцебскай абласной бібліятэкі імя У. І. Леніна Таццяна Адамян.