Творчая сустрэча з пісьменнікам Уладзімірам Арловым

Details

Створана 28.09.2018 09:00

26 верасня ў Віцебскай абласной бібліятэцы адбылася творчая сустрэча з пісьменнікам Уладзімірам Арловым, прымеркаваная да 65-годдзя нашага земляка.

Гэты год знамянальны для аўтара выхадам у свет новых кніг: кнігі баладаў «Паручнік Пятровіч і прапаршчык Здань», кнігі аповесцяў «Танцы над горадам» і пяцітомнага збору выбраных твораў. Менавіта пра гэтыя выданні ішла размова на сустрэчы. Уладзімір Арлоў прачытаў некаторыя творы, а таксама працытаваў меркаванні крытыкаў пра выдадзеныя кнігі.

Пісьменнік правёў сярод удзельнікаў сустрэчы віктарыну па ўласнай творчасці і падараваў пераможцам дыскі са сваімі аўдыёкнігамі. Адбылася цікавая гутарка пра творчасць, беларускую гісторыю і аб выдатных гістарычных асобах.