Круглы стол «Нацыянальныя інфармацыйныя рэсурсы: Віцебшчына ўчора і сёння»

Details

Створана 13.04.2018 14:15

11 красавіка ў бібліятэцы адбыўся круглы стол «Нацыянальныя інфармацыйныя рэсурсы: Віцебшчына ўчора і сёння». У рабоце круглага стала прынялі ўдзел прадстаўнікі Нацыянальнай бібліятэкі Беларусі, гісторыкі, краязнаўцы, супрацоўнікі ахіўнай службы і музеяў горада, спецыялісты публічных бібліятэк г. Віцебска і Віцебскага раёна.

Намеснік дырэктара Нацыянальнай бібліятэкі Беларусі Т. В. Кузьмініч расказала аб праблемах і перспектывах узаемадзеяння бібліятэк, архіваў і музеяў Беларусі. І. У. Градоўкіна, загадчык навукова-даследчага аддзела бібліяграфіі, асаблівую ўвагу надала дзейнасці Нацыянальнай бібліятэкі Беларусі па віртуальным узнаўленні рэгіянальнай дакументальнай спадчыны. Загадчык сектара краязнаўства і праектнай работы навукова-даследчага аддзела бібліяграфіі А. В. Ганчарова прэзентавала новы віртуальны праект пад рабочай назвай «Беларусь у фотаздымках».

У ходзе работы круглага стала прагучалі выступленні віцебскіх гісторыкаў і краязнаўцаў А. М. Падліпскага, М. В. Півавара, Л. У. Хмяльніцкай. Спецыяліст Віцебскага абласнога краязнаўчага музея А. Л. Дудка падзялілася вопытам работы па стварэнні бібліяграфічнага паказальніка аб дзейнасці Віцебскага абласнога краязнаўчага музея, прымеркаванага да 100-гадовага юбілею ўстановы.