Прафесійны візіт бібліятэкараў Смаленскай вобласці ў Віцебскую вобласць

Details

Створана 30.09.2016 11:32

29 верасня ў рамках рэалізацыі Пагаднення аб супрацоўніцтве паміж абласнымі ўніверсальнымі бібліятэкамі прыгранічных тэрыторый дзяржаў-удзельніц СНД адбыўся прафесійны візіт бібліятэчных супрацоўнікаў Смаленскай вобласці (Расійская Федэрацыя) у бібліятэкі сеткі Міністэрства культуры ў Віцебскай вобласці.

У складзе дэлегацыі Віцебскую вобласць наведалі саветнік-эксперт па культуры Дэпартамента Смаленскай вобласці па культуры і турызму Н. У. Дзевярыліна, дырэктары цэнтралізаваных бібліятэчных сістэм, кіраўнікі і спецыялісты Смаленскай абласной бібліятэкі.

У праграму прафесійнага візіта было ўключана наведванне Віцебскай абласной бібліятэкі імя У. І. Леніна, Віцебскай цэнтральнай гарадской бібліятэкі імя М. Горкага.

Кіраўнікі і спецыялісты бібліятэк прынялі ўдзел у круглым стале «Супрацоўніцтва бібліятэк прыгранічных тэрыторый: пошукі ўзаемных інтарэсаў», у ходзе якога падзяліліся вопытам па рэалізацыі навацыйных праграм, выдавецкіх і сацыяльных праектаў. Асаблівая ўвага была нададзена пытанням развіцця бібліятэк Смаленскага і Віцебскага рэгіёнаў на сучасным этапе, а таксама конкурсам як форме работы, якая спрыяе ўдасканаленню прафесійных ведаў.