галоўная  >  прыдзвінскі край  > пастаўскі раён  > эканоміка >  буйнейшыя прадпрыемствы >

 

ААТ “ВАРАПАЕЎСКІ ДАК” >       

 

Мэбля з эфектам “штучнага сталення” ААТ “Варапаеўскі ДАК”Працоўная біяграфія Варапаеўскага дрэваапрацоўчага камбіната неразрыўна звязана з гісторыяй развіцця і станаўлення краіны. Пройдзены шлях адзначаны шматлікімі набыткамі. Былі на ім і спад вытворчасці, колькаснае змяншэнне калектыву. Але камбінат пры ўсіх эканамічных цяжкасцях і складанасцях заставаўся адным з вядучых прадпрыемстваў Пастаўшчыны. 3 1944 па 1960 гады яго ўзначальвалі Б.I. Паляжаеў, Ф.Г. Воранаў, А.I. Мандрык, I.Ф. Баранаў, М.К. Фабрыцкі, Д.А. Траянаў, Н.Г. Кавалёў. У 70–х–80–х гадах вялікі ўклад у развіццё вытворчасці, стварэнне сацыяльнай сферы ўнеслі М.М. Каровін і С.М. Пляшкун. У наступны перыяд на чале калектыву былі Ч.М. Пляшкун, Л.I. Іванін, У.Ф. Статкевіч. 3 красавіка 2000 года дырэктарам камбіната працуе А.С. Седзюкевіч.

Нягледзячы на змяняемасць кіраўніцтва, на прадпрыемстве пастаянна заставаўся касцяк з ліку рабочых, інжынерна–тэхнічных работнікаў, якія праяўлялі ініцыятыву, былі ў пастаянным пошуку, прадаўжалі і прымнажалі склаўшыяся традыцыі. Для дзесяткаў, соцень жыхароў гарадскога пасёлка, бліжэйшых населеных пунктаў дрэваапрацоўчы камбінат стаў пастаянным месцам работы, другім домам. Тут працавалі і працуюць сем'ямі. Сярод іх дынастыі Арэхваў, Каралеўскіх, Радчанкаў, Сыгулаў, Смаленскіх, Седзюкевічаў, Гапонаў і іншых.

У першым паўгоддзі 2004 года аб'ём таварнай прадукцыі ў супастаўных цэнах узрос у параўнанні з адпаведным перыядам мінулага года на 8,1 %. У агульным аб'ёме таварнай прадукцыі на долю мэблі з масіву прыпадае 33 %, больш паловы яе ідзе на экспарт. Вырабамі варапаеўскіх мэбельшчыкаў "под старину", убачыўшы асобныя яе ўзоры на адной са сталічных выстаў, зацікавіліся дзве фірмы з Францыі. На сённяшні дзень ужо асвоена і адпраўлена ў замежную краіну 25 узораў мэблі.

 

ЛІтаратура

1. Жучко, Н. Эффект "искусственного старения" / Н. Жучко // Рэспубліка. – 2005. – 26 жн. – С. 2.          

2. Сауліч, У. Варапаеўская чараўніца / У. Сауліч // Вiцебскі рабочы. – 2005. – 20 студз. – С. 15.  

3. Тулбусов, А. Европейцам нравится "Белорусская хата" / А. Тулбусов // Витьбичи. – 2004. –  6 мая. – С. 1. 

 

© ГУ "Витебская областная библиотека им. В. И. Ленина", 2006 – 2008